Кардарыңызга кыргызча жооп берген WhatsApp бот

Rabotai — WhatsApp жана Telegram'да сиздин бизнесиңиздин ордуна кардар менен сүйлөшкөн жасалма интеллект. Ал кыргызча жазган кишиге кыргызча жооп берет, баасын айтат, дарегиңизди жиберет, жазылам дегенди кардарлар базаңызга киргизип, сизге кабар салат.

Эмне кыла алат

Бот сиз көрсөткөн маалыматтын чегинде иштейт. Күндөлүк жазышуулардын көбү бир нече кайталанма суроодон турат — ошолорду ал өзү жабат:

• Баасын айтат. «Курс канча турат?» деген суроого тарифиңизди, мөөнөтүн жана төлөм шарттарыңызды жазып берет.
• Дарегиңиз менен иштөө убактыңызды билдирет. «Кайда жайгашкансыңар», «саат канчага чейин иштейсиңер» — жооп даяр, картадагы шилтемеси менен.
• Жазып коёт. Кардар «жазылам» десе, атын жана номерин алып, кардарлар базасына лид кылып түшүрөт да, сизге билдирүү жиберет.
• Көп берилген суроолорду жабат. Кимдер үчүн, канча убакытка, онлайн барбы, бөлүп төлөөгө болобу — баары сиз берген маалыматтан.
• Татаал жерде сизди чакырат. Жообу жок суроо чыкса, ойдон чыгарбай, маекти сизге өткөрүп берет.

Жообу секунданын ичинде кетет. Түнкү саат бирде да, дем алыш күнү да, майрамда да — кардар күтүп отурбайт. Ал эми жазышуунун баары кабинетте турат, каалаган убакта ачып окуй аласыз.

Кыргызча жазганды кантип түшүнөт

Кыргызстанда кардарлар бир тилде эле жазбайт. Бир сүйлөмдө кыргызча менен орусча аралашып кетет, кээси кириллица менен эмес латын менен терет, кээси сөздү кыскартып жиберет. Rabotai ушул чыныгы жазуу манерасын түшүнөт жана кардар кайсы тилде жазса, ошол тилде жооп кайтарат.

Ушул жерде эң башкы айырма: жооптор машина котормосу эмес, тирүү кыргыз тилинде жазылат. Кардар экинчи жактан адам жазып жатабы деп ойлойт — анткени сүйлөм жасалма угулбайт.

Кантип башталат

1. Каналды туташтырасыз

   WhatsApp же Telegram — кабинеттен өзүңүз бир нече мүнөттө туташтырасыз. Программисттин, сайттын, кошумча жабдыктын кереги жок.

2. Бизнесиңизди айтып бересиз

   Кызматыңыз, баасы, дарегиңиз, көп берилген суроолор — жөнөкөй текст менен жазып койсоңуз болот. Же эски жазышууларыңызды берсеңиз, ИИ ошолордон билим базасын өзү түзүп чыгат.

3. Көлөкө режиминде сынайсыз

   Алгач бот жоопторду даярдап турат, сиз аларды кабинеттен окуйсуз, ал эми кардарга эч нерсе кетпейт. Жооптору көңүлүңүзгө толгондо гана жиберүүнү күйгүзөсүз.

Баасы

Биринчи WhatsApp-канал, кардарлар базасы (CRM), рассылка, сценарийлер жана amoCRM интеграциясы бардык тарифке кирет. Айырмасы — жооптун саны жана каналдар.

Айлык чектен ашып кетсеңиз, кызмат токтоп калбайт — үстүнкү жооптор баланстан алынат, канча чыгым болгону кабинетте көрүнүп турат. Алгачкы 14 күн акысыз, картанын кереги жок. QR аркылуу WhatsApp — күнүнө 90 сом; расмий WhatsApp API, Telegram, Instagram — бекер.

Кимдер колдонот

Rabotai биринчи кезекте Бишкектеги жана Оштогу кичи жана орто бизнес үчүн жасалган — WhatsApp аркылуу сатуу негизги канал болгон жерлерде:

• дүкөндөр жана онлайн-сатуучулар — баасы, өлчөмү, жеткирүү жөнүндө суроолор күн бою кайталанат;
• сулуулук салондору, стоматологиялар, медициналык кабинеттер — жазылуу жана баа боюнча кайрылуулар;
• окуу борборлору жана курстар — топтун башталышы, расписание, төлөм; бул тармак үчүн өзүнчө окуу борборлоруна арналган чат-бот баракчабыз бар;
• оңдоо жана кызмат көрсөтүү — техника оңдоо, кургак тазалоо, көчүрүү, куруу бригадалары;
• Instagram менен Лалафо аркылуу сатып, бүт жазышууну WhatsApp'ка алып келгендер.

Кардарлар базасы жана amoCRM

Ар бир кайрылуу жөн эле жазышуу болуп калбайт — ал лид болуп базага түшөт. Кардардын аты, номери, кайсы этапта экени, эмне сурагандыгы жана жазышуунун толук тарыхы бир жерде сакталат. Ошондуктан «ким чалып, ким жоопсуз калды» деген суроо жоголот.

Эгер сизде amoCRM болсо, Rabotai ага туташат: лид түз эле сиздин воронкаңызга барат, менеджерлериңиз кадимкидей иштей берет. amoCRM болбосо да маселе жок — кардарлар базасы Rabotai'дын өзүндө, ал тарифтин ичине кирет жана өзүнчө акы төлөнбөйт.

Рассылка да ошол базадан жасалат: белгилүү бир этаптагы кардарларга гана кабар жиберүүгө болот — мисалы, жазылып туруп келбей калгандарга же жаңы топ жөнүндө билгиси келгендерге.

Көп берилген суроолор

14 күн акысыз сынап көрүңүз

Орус тилиндеги баракча: Чат-бот WhatsApp в Бишкеке.